Ulbmil lea addit mánáide ja nuoraide buriid vásáhusaid guollebiepmuin ja mearrabiepmuin.
Guolástus- ja mearrabiebmoministtar, Odd Emil Ingebrigtsen, juolluda 13 millijovnna ruvnno prošeavttaide mat galget oažžut eambbo mánáid ja nuoraid mearrabiepmuid borrat.
10 mlijovna ruvnno manná Fiskesprell nammasaš borrandáhpeprográmmii mii earret eará doallá kurssaid mánáidgárdde ja skuvlla bargiide. Golbma millijovnna ruvnno manná prošeavttaide mat galget addit mánáide ja nuoraide buriid vásáhusaid guolle- ja mearrabiepmuiguin.
– Buorit borrandábit ásahuvvojit árrat eallimis, danne lea dehálaš investeret buriid borrandábiid árrat juo. Mearrabiebmu lea dearvvašlaš, njálggat ja dat lea biebmu maid mii fertet eambbo borrat boahtteáiggis. Borrat mearrabiepmu lea buorre sihke dálkkádahkii ja álbmoga dearvvašvuhtii, lohká guolástus- ja mearrabiebmoministtar preassadieđáhusas.
Sihke Institušuvnnat, organisašuvnnat, fitnodagat ja priváhta olbmot sáhttet ohcat doarjaga prošeavttaide.
