– Njulget suohkanekonomiija, ja beassat ROBEK listtus eret lea deháleamos ášši listonjunnoša Anton Dahl mielas Guovdageainnu Gurutbellodagas.
– Njulget suohkanekonomiija, ja beassat ROBEK listtus eret lea deháleamos ášši listonjunnoša Anton Dahl mielas Guovdageainnu Gurutbellodagas.
Gurutbellodaga sátnejođiheaddjievttohas Anton Dahl Guovdageainnus lea vástidan Ávvira gažaldagaide, mas jarrat makkár áššiid atná deháleamosin suohkanválggaid oktavuođas.
1. Makkár ášši anát don deháleamos válgaáššin din suohkanis?
– Njulget suohkanekonomiija, ja beassat ROBEK- listtus eret lea deháleamos ášši maid ođđa suohkanstivra galgá čađahit. Ovdal beassat čađahit investeremiid suohkanis ja ovdánahttinbargguid, de ferte ekonomiija njuolgat.
2. Mii du oaidnu lea dan áššis?
– Olles suohkan, suohkanstivra oktan suohkana bargiiguin fertejit bargat dan guvlui ahte mii joksat dan mihttomeari maid fylkkamánni lea bidjan suohkanii. Guhkitáigge vuollái lea dat buorrin suohkana álbmogii.
3. Mat leat du váibmoáššit?
– Mu váibmoáššit leat vuosttažettiin fállat buori bajásšaddanservvodaga mánáide ja nuoraide, ja oadjebas ja dohkálaš divššu vuorrasiidda. Nubbi váibmoášši boahtte suohkanstivraáigodahkii lea plánegoahtit hukset ođđa mánáid-ja nuoraidskuvlla.
