-Almmuhus-
-Almmuhus-
SMÁVVAOĐĐASATVuordin­áigi galgá unnut, seamma galget buohcce­viesu fálal­dagat

Vuordin­áigi galgá unnut, seamma galget buohcce­viesu fálal­dagat

-

-

Dán jagi juolludit unnit ruđa Norgga buohcceviesuide. Dearvvašvuođaminister ávžžuha buohcceviesuid árvvoštallat fálaldagaid.

– Mun ávžžuhan buohcceviesuid árvvoštallat makkár fálaldagaid sáhttet unnidit, muitala dearvvašvuođaministtar Ingvild Kjerkol (Bb).

Buohcceviesusáhkavuorus muitala dearvvašvuođaministtar ahte buohcceviesut fertejit unnidit ruhtageavaheami 2023:s, vai galget ceavzit go visot divru ja bálká lassána. Dat mearkkaša ahte investerenbarggut ja divodeamit eai vuoruhuvvo.

Lassin dasa dáhttu ráđđehus buohcceviesuid kártet laboratoria- ja røntgengeavaheami. Sáhkavuorus oaivvilda Kjerkol ahte dat fálaldagat geavahuvvojit menddo olu, ja buohcceviesut fertejit bidjat johtui doaibmabijuid unnidit fálaldagaid.

– Sii galget maid árvvoštallat ja geahččat makkár fálaldagaid eai dárbbaš fállat.

Sáhkavuorus ii buktán ođđa oaiviliid, muhto dáhttu buohcceviesuid vuoruhit golbma diŋgga. Buohcceviesut galget vuoruhit psyhkalaš dearvvašvuođa ja gárrenmirkohástalusaid, nannet dutkamiid ja máhtu ja buoridit kvalitehta ja pasieantasihkarvuođa ja galget láhčit dili nu ahte olbmot ožžot jođánit veahki.

– Dán jagi lea mihttu ahte vuordináigi ii galgga guhkiduvvot, nu mo diibmá dagai. Vuordináigi galgá unnut, deattuha son.

©NTB

-Almmuhus-