Dálvvi gumpegoziheapmi manná loahpa guvlui ja dán rádjái leat duođaštuvvon ovcci gumpečivgama ja unnit go 100 gumppe riikkas.
Dán rádjái dálvet leat duođaštuvvon 87-90 gumppe Norgga reviirrain ja rádjereviirrain.
87-90 gumppe lea smávva lassáneapmi 83-89 gumppes mat duođaštuvvojedje mannan ođđajagemánu.
– Dat go eat gávnna eambbo gumppiid vaikko leat ohcan, ollistuvvon DNA-analysain, čájeha ahte leat gávdnan eanaš indiviiddaid. De lea vuosttaš geardde 2015/2016 dálvvi rájes go leat čájehuvvon unnit go 100 gumppe riikkas, dadjá Rovdata jođiheaddji Jonas Kindberg.
Dan 87-90 gumppes leat mielde 25 indiviidda maid leat goddán bivddus dán áigodagas.
