Spábbačiekčanveterána Morten Gamst Pedersen čiekčá 1. divišuvnna joavkku Ranheim ovddas dán áigodaga.
Troanddinjoavku duođašta maŋŋebárgga ahte Morten Gamst Pedersen (41) čiekčagoahtá Ranheim ovddas.
– Mun lean álo gealdagasas go čiekčagoađán ođđa joavkkus. Mus leat soames oahppásat Ranheimas, muhto dovddan ahte čoavji veahá čagalduhttá go sihke doarjjaapparáhtas, hálddahusas ja čikčiid searvvis leat ođđa olbmot, lohká Gamst Pedersen.
Morten Gamst Pedersen lea Čáhcesullos eret ja lea čiekčan sihke Norgga ja Sámi riikkajoavkkuin. Son leamaš ámmátčiekčin sihke Norggas ja olgoriikkas, earret eará čievččai 288 čiekčama Blackburn ovddas.
Ovdal go vuolláičálii šiehtadusa Ranheim joavkkuin, de čievččai Åsane ovddas.
– Ranheimas lea alit ja vilges ivdni ja dáid ivnniid searvvis lean ovdal loaktán bures. Doaivvun ahte dát maid šaddá seamma buorre vásáhussan.
(©NTB)
