Gaskavahku geavai duođalaš guorbmebiilalihkohisvuohta riikaluottas 97 olggobealde Johkamohki, Davvi-Ruoŧas.
Norrbottena boles dieđiha ahte vuosttaš diehtu bođii 14-áiggi gaskavahku ja heahteveahka sáddejuvvui lihkohisvuođabáikái.
– 60-jahkásaš guorbmebiilavuoddji vujii badjel luotta olggobealde Johkamohki. Lei dušše okta biila lihkohisvuođas. Almmái duššai lihkohisvuođas. Oapmahaččat leat dieđihuvvon.