Vinmonopolet háliida ahte olbmot galget sáhttit duođaštit iežaset digitálalaččat ja doaivu ahte čoavddus lea sajis boahtte jagi álggus. Dan rádjai ferte čájehit ID boares vuogi mielde.
– Mii háliidat ahte min kundarat jođáneamos lági mielde galget oažžut vejolašvuođa duođaštit iežaset digitálalaččat, dadjá Vinmonopolet preassaváldi Jens Nordahl NRK:i.
NTB oažžu dieđuid ahte sii sávvet sáhttit fállat dan vuosttaš jahkebealis 2024:s, muhto ahte vuosttaš vuorus ii guoskka digitála vuodjenkoarttaide.
– Dassážii go mii leat 100 proseantta sihkkarat ahte digitála vuodjinkoarttain ii sáhte verrošit, de kundarat eai sáhte geavahit dan dohkálaš legitimašuvdnan min buvddain, čilge Vinmonopolet gulahallanhoavda Kristin Welle-Strand e-poasttas.
(©NTB)
