Bearjadaga divrot 9725 gálvvu Vinmonopolas. Sivva dasa lea geahnohis ruvdno.
– Gaskamearálaččat divru dál vihtta proseantta. Muhto vuođđogálvvut, mat dahket 84 proseantta buot gávppašeamis, divrot 2,5 proseantta, dadjá Vinmonopola gulahallanhoavda Jens Nordahl Nettavisenii.
Vinpuls dieđuid mielde, mii vuosttažin čálii haddelassáneami birra, divrot 9 725 gálvvu bearjadaga.
Neahttasiiddu dieđuid mielde divrot 457 ruksesviinna, 342 vilgesviinna ja 113 boršuviinna eanet go 10 proseantta.
– Ja 1 500 gálvvu hálbot, dadjá Nordahl Nettavisenii.
Son dadjá ahte leat grossisttat mat mearridit hatti. Hadderievdadeamit dáhpáhuvvet golmma geardde jagis.
– Lea dábálaš ahte hattit rivdet, muhto dál rievdá veaháš eambbo go maid láve. Lea vuosttažettiin sáhka geahnohis Norgga ruvnnos, dadjá Nordahl E24:i.
(©NTB)
