Gaskavahku eahkeda geavai biilalihkuhisvuohta E12 luottas lahka Umajávrri olggobealde Hemavan Ruoŧa bealde ráji. Biillas ledje vihtta nuorra olbmo gaskal 17 -ja 27-jagi, Sii leat buohkat norgalaččat.
Okta olmmái duššai lihkohisvuođas. Guovttis eará šattaiga Helgelándda buohccevissui Rátnui ambulánsahelikopteriin. Guokte eará fas sáddejuvvuiga ambulánssa mielde. Sii eai leat nu garrasit roasmmuhuvvan. Sis lei gullevašvuohta Helgelándii ja Rátnui. Guorbmebiilavuoddji ii roasmmuhuvvan. Sihke Ruoŧa ja Norgga beale gádjonveahka bohte lihkohisvuođabáikái.
Báikkis leat leamaš gállja luottat go lihkohisvuohta geavai. Biilla navdet boahtán vearu beallái luotta ja beaškkihan oktii guorbmebiillain.
Guorbmebiilavuoddji ii roasmmuhuvvan.
Odne lea okta 19-jahkásaš nieida girddihuvvon Davvi-Norgga universitehtabuohccevissui Romsii. Son lea garrasit roasmmuhuvvan.
– Su dilli lea duođalaš, muhto stabiila ,dieđiha Davvi-Norgga universitehtabuohcceviesu gulahallanhoavda Tore Bratt. Dan čállá Nordlys.
