Olgeš miellahttulohku lassánii 1.639 miellahtuin 2022:s. Oktiibuot ledje jahkemolsašumis 29.584 miellahttu bellodagas, lassáneapmi 5,9 proseanttas jagis dan ovdal.
Oslo Olgešis lea leamašan stuorámus lassáneapmi oktiibuot, dan botta go Agder Olgešis lei stuorámus lassáneapmi proseanttain. Seammás lei buot fylkkain miellahtulassáneapmi, čállá Olgeš preassadieđáhusas.
3.500 Olgeš miellahtuin 2022:s leat áibbas ođđasat.
– Mii dovdat ahte lea buorre miellalahki bellodaga birra ja ahte olusat háliidit váikkuhit alit válgavuitui boahtte jagi. Lea logi jagi dan rájes go maŋimuš oaččuimet seamma olu miellahtuid ovtta jagis, ja lea somá go olusat háliidit leat mielde Team Olgešis, dadjá generálačálli Tom Erlend Skaug.
(©NTB)
