Olgeža stáhtabušeahttaevttohus addá politiijaide 400 miljovnna ruvnno lassin ja galget fuolahit máŋgačuođi ođđa politiijavirggi.
Molssaevttolaš bušeahtta ii boađe ovdal go duorastaga, muhto jo mánnodaga fuomášuhttá Olgeža justispolitihkalaš ovddasteaddji, Sveinung Stensland (O), ahte okta vuoruheapmi bušeahtas lea oažžut eambbo politiijaid bargui.
– Mii gullat heahtečuorvumiid politiijaid bargoveaga birra politiijameaštáriin, gaskajođiheddjiin, fágaorganisašuvnnain, dutkiin ja olbmuin geat barget bearráigeahčuin. Go Emilie Mehl álggii justisministtarin borgemánu 2023, de unnidedje 255 politiijaid doaresbeal guovlluin. Skábmamánus dán jagi ledje dušše njealjis dan measta 400 aiddo oahppan politiijain ožžon bissovaš barggu.
Olgeža molssaevttolaš bušeahtas áigu bellodat virgádit 462 ođđa politiija. Mii dahká dan vejolažžan, lea 400 miljovnna ruvdnosaš páhkka.
(©NTB)
