Stuora-Británnias leat mánát jápmán vuolšedávddain man dutkit jáhkket lea čadnon koronai, dieđiha dearvvašvuođaministtar Matt Hancock.
Mánát eai leat leamaš buohccit ovdal dávdda, čalla Reuturs.
– Leat muhtun mánát geat leat jápmán ja geain eai lean vuollásaš dearvvašvuođaváttut, dadjá Hancock LBC Radioi.
Stuora-Británnias leat váruhan doaktáriid ahte iešguđet intensiivaossodagain miehtá riikka lea muhtun mánáin duođalaš dávda mas lea eahpedábálaš dávdamearka, čállá BBC.
– Dat lea ođđa dávda man mii jáhkkit lea koronavirus dagahan, muhto mii eat leat čuođi proseantta sihkkarat. Muhto dat lea juoga maid mii ballat, dadjá Hancock.
Muhtun dávdamearkkat leat alla feber ja bohtanan varrasuonat.
