– Olusat bidjet biilaboahkána boastut. Dat sáhttá dagahit duođalaš vahágiid ja jápmima biilalihkohisvuođas.
Dan dadjá Trond Boye Hansen, OUS Ullevål buohcceviesu ovddeš paramedic ja lihkohisvuođadutki, ja dál Stáhta havariijakommišuvnna havariijabearráigeahčči. Son lea bargan johtolatsihkarvuođain máŋga jagi.
Son muitala ahte eatnašat dihtet ahte galget nuollat assás jáhkaid, muhto havariijabearráigeahčči dieđu mielde, de berre báiddiid maid nuollat.
– Okta vejolašvuohta lea bidjat boahkána báiddi vuollái. Galgá čavgejuvvot bures, ja leat alimiid alde. Jos boagán lea menddo badjin čoavjji alde, de sáhttá dagahit duođalaš vahágiid jos gártá lihkohisvuhtii, dadjá Boye Hansen.
