Stuoradiggelahttu ja unjárgalaš Kirsti Bergstø lea evttohuvvon nubbinjođiheaddjin Sosialisttalaš Gurutbellodahkii (SG).
Stuoradiggelahttu ja unjárgalaš Kirsti Bergstø lea evttohuvvon nubbinjođiheaddjin Sosialisttalaš Gurutbellodahkii (SG).
Oddny Miljeteig lea doaibman nubbinjođiheaddjin, ja dál evttohuvvo Kirsti Bergstø (35) joatkit doaimmain.
Bergstøs nanu duogáš politihkas
Bergstø lea leamaš stáhtačállin ja lea maid ovdalaš Sosialisttalaš Nuoraidsearvvi jođiheaddjin. Son lea Stuoradikki bargo- ja sosiálakomitéas dál.
– Kirsti Bergstø lea hárjánan politihkkár gii lea bures čalmmustahttán áššiid Stuoradikkis, ja dál šaddá nanu jođihanjoavku bellodagas, muitala válgalávdegotti jođiheaddji Bård Vegar Solhjell.
Vel nubbi Finnmárkulaš guovddážis
Girkonjárgga nieida, 29-jahkásaš Kari Elisabeth Kaski lea evttohuvvon miellahttun SG bargolávdegoddái, ja šaddá maid viđát olmmoš bellodaga jođiheamis.
Otná bellodatčálli Kari Elisabeth Kaski lei álggos namuhuvvon evttohuvvot nubbinjođiheaddjin, muhto válgakomitéa lea válljen evttohit unjárgalačča Kirsti Bergstø.
