Romssa ja Finnmárkku fylkkaráđđi leat juolludan 78,3 miljovnna ruvnnu iešguđetge valášstallarusttegiidda, luonddustallanrusttegiidda ja fysalaš doaimmaide. Leat oktiibuot 69 rusttega fylkkas mat ožžot olles dahje oasi dan supmis maid leat ohcan.
– Speallanruhtadeapmi lea dehálaš doarjja dan bargui ahte eanet olbmot fylkkas sáhttet leat rumašlaš doaimmas. Seammás oaidnit mii ahte dárbu ruhtadit dakkár rusttegiid lea stuorát go mii sáhttit dahkat juhkkojuvvon nationála rámmaid bokte, dadjá plána, ekonomiija ja kultuvrra fylkkaráđđi Anne Toril Eriksen Balto.
Visttit mat ožžot doarjagiid leat Návuona máŋggageavahushálla, Hámmárfeastta Arena Stuorrahálla, Kárášjoga valáštallanhálla, sihke Bearalvágis ja Deanus vuojadanáldásat, FK Sáččá Stuorrahálla ja Tromsøbadet, TUIL Arena, Bjerkakerhallen AS Romssas.
