Bearraša ekonomiija ii galgga leat sivva dasa ahte mánát ja nuorat eai beasa searvat valáštallamii, dál lea foanda ásahuvvon gos sáhttá ohcat doarjaga.
Romssa ja Finnmárkku valáštallanbiire lea ožžon 3,9 miljovnna ruvnno doarjjan SeastinBáŋkkus Davvi-Norggas ásahit solidariteahttafoandda. 1,5 miljovnna ruvdno galgá juhkkojuvvot olggos dán jagi, jagi 2024 ja 2025 galgá jahkásaččat juhkkojuvvot 1,2 miljovnna ruvdno bearrašiidda geain lea ekonomalaš hástaleaddji dilli.
Ulbmil foanddas
Ulbmil lea ahte bearašekonomiija ii galgga leat sivva dasa ahte mánát ja nuorat eai sáhte searvat valáštallamiidda. Solidariteahttafoanda lea sierra ortnet valáštallanbiirres mii galgá gokčat oassálastingoluid mánáid ja nuoraide. Sáhttá leat ságas hárjehallandivadat, miellahttuvuohta, oassálastin gilvvuide dahje doaimmaide.
Solidariteahttafoanda ii galgá ollásit finansieret fálaštallanoassálastima, muhto dahkat vejolažžan oažžut veahki/doarjaga ekonomalaččat gáibidahtti dilis. Ohcamat galget leat individuella, ohcamat eai galgá boahtit servviin eai ge joavkkuin, čállá Romssa ja Finnmárkku valáštallanbiire .
