Norges idrettsforbund leat duhtavaččat go ruhtajuolludeapmi valáštallama olis lassána 370 millijovnna ruvnnuin, dát badjelbáza boahtá Norsk Tippingas.
– Lassáneapmi boahtá go ráđđehus lea dahkan máŋga buori doaibmabijuid suodjalit ja nannet áidnavuoigatvuođamodealla. Dat čájeha ahte norgga ruhtaspeallanmodealla doaibmá bures. Ruhtaspeallanmodealla vuhtiiváldá ráddjet váttisvuođaspeallama buoremus lági mielde, seammás buktá dat stuorra supmi valáštallamii ja eará doaimmaide, dadjá valáštallanpresideanta Berit Kjøll preassadieđáhusas.
Valáštallanpresideanta lohká leat máŋga tiŋgga masa sáhttá illudit. Dat leat golbma ášši masa son háliida čujuhit:
– Rusttegiid bealis ii leat juolludeapmi leamaš ná stuoris máŋgga jahkái, ahte lassáneapmi maŋášvuođas bisána ja mii oažžut smávva geahpideami das.
– Juolludeapmi valáštallanservviide lassána 48 millijovnnain, dát boahtá buorrin go searvvit ráhkkanit ollislaš rahpamii.
– Lea várrejuvvon 150 millijovdna vuoruhuvvon áŋgiruššansurggiide. Valáštallandieđáhus lea maŋiduvvon ja buhtaduvvo vuosttaš vuoru muhtin strategalaš valáštallanpolitihkalaš vuoruhemiin, maid mii ollásit doarjut, loahpaha valáštallanpresideanta Berit Kjøll.
