Orru šaddamen ođđa olahus olggosmáksima sturrodagas valáštallamii maŋŋel go Lotteriija- ja vuođđudusbearráigeahčču maŋŋebárgga almmuhii buhtadusjuohkima 2021 jahkerehketdoalu ovddas.
Oktiibuot oažžu Norgga valáštallan dál juovlamánus 715,8 miljovnna ruvnnu olggosmáksima lassiárvodivatbuhtadusas. Dán jagi leat oktiibuot 5446 valáštallanjoavkku Norggas ohcan lassiárvodivatbuhtadusas, ja 29:s dain hilgojuvvo.
– Leat eambbo valáštallanjoavkkut geat dán jagi ožžot lassiárvodivatbuhtadusa go diibmá, muhto eai leat nu olu go olahusjagi 2018:s ledje. 2021 lei koronajahki mii manai sihke vulos ja bajás, go rahpe ja giddejedje servodaga. Logut čájehit ahte lea ain guhkes geaidnu dassá aktivitehtadássi lea normála dásis, dadjá valáštallanpresideanta Berit Kjøll.