Guokte fitnodaga Davvi-Romssas ožžot ruhtadoarjaga Sámedikkis.
Mátkeealáhusfitnodat Arctic Event Balsfjord AS, Muotkejávrris, lea ožžon 239 000,- doarjjan Sámedikkis.
Troms Blikkenslager AS fas oažžu 258 000,- doarjjan.
– Mii leat ilus go sáhttit doarjut daid fitnodagaid doarjagiiguin ja jáhkkit daid prošeavttaid háhkat árvohuksema ja eanet bargosajiid Sámedikki doaibmaguvlui, lohká sámediggepresideanta Silje Karine Muotka preassadieđáhusas.
Buoret kapasitehta fállat biepmu
Arctic Event Balsfjord AS fitnodaga eaiggáduššá Eindride Hansen ja fitnodat fállá idjadeami, biepmu ja aktivitehtavuđot turismma Báhccavuona suohkanis. Ruđaid galget geavahit buoridit fitnodaga kapasitehta fállat biepmu ja hukset ođđa hivssetfasilitehtaid fitnodaga vissui.
Hukset ođđa divohaga
Troms Blikkenslager AS áigu doarjagiin hukset ođđa divohaga.
Fitnodaga eaiggáduššá Daniel Østerholm Skorpen ja lea Stuoragiettis Ráissas. Prošeakta galgá veahkehit fitnodaga ovdánahttit fálaldaga ja nu ahtanuššanvuođu stuorrudit fitnodaga.
