Kárášjoga álbmot ja nuorat bovdejuvvojit ihttin Utopiabádjái mii lágiduvvo Kárášjoga servodatviesus.
Cuoŋománu 6. beaivve lágida Kárášjoga gielda Utopiabáji. Dainna áiggošii gielda áŋgiruššat Kárášjoga álbmoga ja nuoraid muitalit makkár boahtteáiggi sii háliidivčče Kárášjogas.
– Muitte, du jietna lea dehálaš, čállá gielda sin neahttasiiddus. Bádji álgá diibmu 16.00 ja Kárášjoga gielda guossoha lieggaborramuša oasseváldiide.
– Utopia lea ođđaáigásašdoaba mii govve dan perfeakta servodaga, čállá Wikipedia.
