Dušše juohke njealját nuorra ollesolmmoš geas lei jienastanvuoigatvuohta dain golmma maŋemus gielddaválggain, válljii jienastit buot golmma válggain. Dat lea ollu unnit oassi go muđui álbmogis.
Leat eanas almmáiolbmot, geain lea oahppu vuođđoskuvladásis, geat eai jienas válggain, čállá Statistihkalaš guovddášdoaimmahat.
Buohkaid gaskkas geain lei jienastanvuoigatvuohta gielddaválggain 2015, 2019 ja 2023, ledje 48 proseanta geat jienastedje buot golmma válggain. Ollesolbmuid gaskkas geat leat gaskal 26 ja 34 jagi lei oassi dušše 24 proseanta. Gielddaválggain lea oppalaččat unnit oassálastin go stuoradiggeválggain.
Oktiibuot leat goitge 80 proseantta sis geain lea jienastanriekti jienastan unnimusat ovtta dain golmma maŋemus gielddaválggas. Sin gaskkas geain lea vuođđoskuvlaoahppu jienastii 65 proseantta, sin gaskkas geain lea joatkkaskuvla ges jienastii 82 proseantta ja sin gaskkas geain lea universitehtaoahppu olles 89 proseantta.
(©NTB)
