Unna Junná ođđa oasit leat oaidninláhkái 20.2.2023 rájes vuossárggaid dii. 8.30 Yle Areenas, Lasten Areenasja Yle TV2-kanálas.
Yle sámegielat mánáidprográmma Unna Junná lea ráhkaduvvon 2007 rájes. Unna Junná oidnogoahtá 20.2. rájes diibmu 8.35 Yle TV2 -kanálas. Buot Yle sámegielat mánáidprográmmat gávdnojit Yle Areenas ja Lasten Areenas ohcansániin Unna Junná.
– Maiddái sámegielat mánát gehččet sisdoaluid rávdnjenbálvalusain, nugo Yle Areenas. Yle Areenas almmuhuvvon sámegielat mánáidsisdoaluin leat leamašan stáđis geavaheaddjimearit. Buoremus oanehisráiddut leat rahppojuvvon measta 10 000 geardde, muitala Yle Sámi hoavda Maiju Saijets.
