Svalbarddas lágidit vuosttaš geardde vuoddjangilvvuid ja čieža nuorra Kárášjoga vuoddji servet dán historjjálaš dáhpáhussii dán vahkkoloahpa.
Svalbard Turn idrettslag valáštallansearvi lágida guovlluvuodjamiid, Svalbard Isfjord Svøm, miessemánu 13.-15. beivviid 2022 ja Norgga vuodjanlihttu lea dohkkehan dán vuodjangilvvu. Sii geat leat bovdejuvvon lea riegádan ovdal 2014:s, para- ja mastervuoddji. Vuodjamat leat Svalbardhallen vuojadanáldasis mii lea 25 mehtera guhkku ja guđas sáhttet rattát gilvalit. Vuodjamiid lea vejolaš oaidnit Livetime, ja eanaš gilvvut lágiduvvojit lávvardaga.
– Kárášjoga vuodjansearvi čieža vuoddji, hárjeheaddji ja golbma duopmára servet Svalbard Isfjord Svøm 2022 vuodjamiidda lávvardaga ja sotnabeaivvi. Lea historjjálaš dáhpáhus go dát lea vuosttaš geardde go almmolaš vuodjamat lágiduvvojit Norgga davimus vuojadanáldasis, muitala Kárášjoga vuodjansearvvi jođiheaddji Katri Mortelmans Somby.
Kárášjoga vuoddjit dollejedje Longyearbyenii Svalbardii mannan duorastaga.
– Svalbard Isfjord Svøm 2022 vuodjamiin oassálastet oktiibuot 69 vuoddji geat ovddastit čieža valáštallansearvvi. Šaddá gelddolaš vahkkoloahppa. Earret vuodjamiid, de lea min bovden fanasmátkái ja jus leš lihkku, de soaitit maid oaidnit jiekŋaguovžža.
