-Almmuhus-
-Almmuhus-
SMÁVVAOĐĐASATSuvi lea Suoma beale buoremus filbma­dahkki 

Suvi lea Suoma beale buoremus filbma­dahkki 

-

-

Suoma Avate- goavdefágasearvi lea mannan vahkkoloahpa doallan jahkedoaluid gos leat juohkán čieža bálkkašumi filbmasuorggi bargguid ovddas. 

– Nu go filbmadahkkái, gii soaitá dahkat marginala dokumentárafilmmaid, de dakkár fuomašupmi lea hirpmástuhtti ja čuohcá olu. Mun sávan ahte dii geat leat váikkuhan válljemii, diehtibehtet man olu dat mearkkaša munnje ja min filbmajoavkui. Earenoámaš giitosat leat filbmaguoibmái Anssi Kömii, geainna mii leat dahkan filmmaid máŋga jagi, dadjá Suvi West Avate neahtasiiddu bokte.

Buoremus filbmadahkki bálkkašupmi lea juhkojuvvon 2004 rájes. West lea ožžon bálkkašumi «Máhccan-Homecoming» dokumentára ovddas mii gieđahallá museamáilmmi ja sámedávviriid máhcaheami.

Fágasearvvis ákkastallet ahte Suvi West dahká čáppa ja guoskkahahtti filmmaid áššiid birra mat leat dehálaččat ja leat guovddážis sámiide. Seammás loktejuvvo ipmárdus majoriteahtaálbmogis eamiálbmotkultuvrra ja -identiteahta birra. 

Loga maid:
Sávvá «Máhccan» filmma rahpat olbmuid čalmmiid 

-Almmuhus-