Suoma beale Sámedikki kulturlávdegoddi lea juohkán doarjagiid 222 000 euro ovddas.
Čoahkkimis, mii lei njukčamánu 14. ja 15. beaivvi, meannudii lávdegoddi ohcamušaid. Leat ožžon oktiibuot 72 ohcamuša 399 950 euro ovddas.
Leat álgorájis Suoma Oahpahus- ja kulturministeriija dahje departemeantta stáhtaruđat. Daid vuođul Suoma Sámedikki kulturlávdegoddi meannuda ohcamušaid.
Doarjjaortnega mielde sáhttet ohcat searvvit mat doaimmahit rájáid rastá Davviriikkain, nu go ovdamearkka dihtii Sámi Girječálliid Searvi, mii lea ožžon 2 600 euro.
Nu maiddái oassi doarjjaortnegis gusto Suoma beale servviide, nu go Oulu sámi searvi, mii lea ožžon 3000 euro.
Oassi prošeavttain gustojit kulturdáhpáhusaide, nu go lea SámiSoster searvi, mii oaččui 6000 euro lágidit mánáid leairra.
Olles listtu oainnát dás.
