Disdaga šaddá Suopma NATO-miellahttun.
Nato generálačalli Jens Stoltenberg dieđiha ahte disdaga Suopma šaddá NATO-miellahttun.
– Lea historjjálaš vahkku. Ihttin mii sávvat bures boahtima Supmii 31. NATO miellahtturiikan. Suopma šaddá dorvvolaččabun ja min aliánsa nannoseabbon. Ihttin mii levget vuosttaš gearddi Suoma leavggain dáppe, dajai Stoltenberg Brusselis mánnodaga.
Tyrkia presideanta Erdogan lea dál dohkkehan Suoma šaddat miellahttun. Buot 30 NATO miellahttoriikka leat dál dohkkehan Suoma miellahttun. Sihke Ruoŧŧa ja Suopma leat ohcan NATO-miellahttun, muhto Tyrkia ja Ungarn eai leat vel dohkkehan Ruoŧa miellahttun. (©NTB)
