Suoma ráđđehus evttoha lasihit vel boraspire buhtadusa 2,5 miljon euroin, oktiibuot 11 miljovnna euroi.
Boraspiret dagahit olu vahágiid boazoealáhussii. Geatki lea dagahan dán jagi eanet vahágiid go ovddit jagiid Suomas. Danin árvalit loktet boraspire buhtadusa 2,5 miljovnnain, oktiibuot 11 miljovnna euroi. Dat lea njeallje miljovnna euro eanet go diibmá. Dan dieđiha Yle Sápmi.
Buhtadusaide livčče ráđđehusa evttohusa mielde geavahusas oktiibuot 10 miljon euro, mii lea Eurohpa uniovnna meroštallan boazovahátbuhtadusaid eanemusmearri.
90 proseantta boraspire vahágiin čuhcet boazodollui. Jagis 2019 spiriid dagahan vahágat ledje 6,9 miljovnna euro. Oktiibuot dagahedje boraspiret vahágiid jagis 2019 sullii 7,5 miljovnna euro ovddas. 2018:s lei submi 7,7 miljovnna euro oktiibuot sihke gilvvašattuide, elliide ja olbmuid opmodagaide.
