Dušše juohke logát norgalaš lea gávppašan suollemasat maŋimuš guokte jagi.
Dušše juohke logát norgalaš lea gávppašan suollemasat maŋimuš guokte jagi.
Suollemas gávppašeapmi Norggas lea beliin unnon 2011 rájes.
– Eai goassege ovdal leat ná oallugat vástidan ahte eai gávppaš suollemasat, ja dat lea hirbmat buorre. Dat mearkkaša ahte olbmuin lea dáhttu gávppašit lobálaččat, muhto dattetge leat ain hástalusat suollemas gávppašeami ektui, dadjá vearrodirektevra Hans Christian Holte preassadieđáhusas.
Vaikke suollemas gávppašeapmi unnu, de lassánit dattetge suollemas bargonávccat bassan- ja viessodivodeamisurggiin, čájeha Opinionen guorahallan mii lea dahkkon Vearroetáhta ja Ovttas suollemas ekonomiija vuostá searvvi ovddas.
Eanet vearrodieđut
29 proseantta jerron olbmuin vástidit ahte leat oastán bassanveahki suollemas gávppašeami bokte ja 24 proseantta fas leat oastán eará viessoveahki dahje mánnabiiggá/reaŋgga nu ahte dietnasis ii leat mákson vearru.
Viessodivodan- ja málenbargguid fas leat birrasii 15 proseantta oastán suollemasat.
– Dábálaš geavaheaddjái lea váttis diehtit ostet go bálvalusaid duođalaš fitnodagain, ja danin háliidit mii addit eanet vearrodieđuid iešguđetge fitnodagaid birra. Dalle šaddá álkibun olbmuide válljet eret fitnodagaid mat verrošit, dadjá Holte.
23 proseantta sis geat maŋimuš guokte jagi leat dahkan suollemas gávppašeami, jáhkket iežaset dáinna joatkit čuovvovaš jagi.
