Nils Gaupa ođđaseamos filbma, «Sulis 1907», lea geasuhan olu gehččiid, ja lea dán jagáš stuorámus Norgga kinofilbma gehččiidloguid ektui.
Drámáfilmmas «Sulis 1907» lei vuosttaščájálmas kinoin golggotmánu 6. beaivvi, ja dan rájes leat ge badjel 100 000 olbmo mannan geahččat filmma. Filmma buvttadeaddji Tom Vidar Karlsen muitala preassadieđáhusas ahte lea ilus go lea nu bures váldon vuostá.
– Olbmot muitalit ahte lea dego seaguhus western-, action- ja drámašáŋŋeriin, ja dat lei ge min mihttu. Mun lean oba ilus go olbmot leat liikon filbmii, lohká Karlsen.
