Gaskavahku čuovganeami rájes dieđihuvvo stuora muohtauđasvárra Davvi-Norggas. Olbmot ávžžuhuvvojit garvit sajiid gos lea olu muohta.
– Garra biekkat gaskavahku sáhttet dagahit ahte uđas iešalddis fierrala. Uđasvárra lea stuorimus doppe gos lea eanemus muohta, váruha Norgga čázádat- ja energiijadirektoráhtta (NVE).
Muohtauđasvárra dieđihuvvo sihke Finnmárkku riddui, Oarje-Finnmárkui, Davvi-Romsii, Ivgui ja Romsii.
Muhtun uđđasat sáhttet leat stuorrát ja NVE vároha olbmuid vánddardeames báikkiin gos olu muohta.
(©NTB)
