Badjel 20-jahkásaš dievdu duššai Middagstindenis, Sálliris.
Mannan sotnabeaivvi birrasii diibmu 14.00 fierai muohtauđas Middagstindenis, Sálliris, Romssa suohkanis.
Heahteetáhtat ožžo dieđu muohtauđđasa birra badjelaš guokte diimmu maŋŋel ja álggahedje gádjunakšuvnna go balahuvvui ahte muhtin čuoigi lei gártan muohtauđđasii.
– Badjel 20-jahkásaš Amerihká stáhtaborgár gávdnui jápmán muohtauđđasis. Oapmahaččat leat ožžon dieđu jápmima birra, dieđihedje Romssa politiijaguovllus sotnabeaivvi eahkeda.
Gádjunveaga lassin geavahuvvojedje politiijaid lavinebeatnagat ja Norgga gádjunbeatnagat gádjunakšuvnnas.
