Klemet M. Klemetsen lea dán vahkku vuoiti Ávvira ealgabivdogilvvus, ja ealga maid bážii lea ge maid losimus ealga min gilvvus dássážii.
Klemet M. Klemetsen lea dán vahkku vuoiti Ávvira ealgabivdogilvvus, ja ealga maid bážii lea ge maid losimus ealga min gilvvus dássážii.
Klemet M. Klemetsen lea dán vahkku vuoiti Ávvira ealgabivdogilvvus.
Lahka viesu bážii
Son vuittii ealggain man lea báhčán lahka iežas viesu Ávžžis.
– Dat lei dies jeaggegáttis ja mun veahá jienádin vai boahtá lagabui ja de bođii dohko, muitala Klemetsen.
Losimus ealga
Ealga dettii 334 kilo, ja leage maid losimus ealga min gilvvus dán rádjai.
– Dat gii vihkkii goruda logai ahte ii leat goassege vihkken ná stuorra ealgga dáppe, muitala bivdi.
Ii ge ealga lean dušše lossat, muhto buoidi maid:
– Gal das lea nu olu biergu. Ja issoras olu buoidi, dat lea njeallje suorpma buoidi biehčama bokte, rábmosta Klemetsen.
Ovddit vahku vuoiti: – Somámus ealga maid goassige lean oaidnán
Go Ávvir jearrá mo lei báhčit nie stuorra ealgga, de gal bivdi dušše čaibmá:
– In leat goassege báhčán nie stuorra ealgga ovdal, muhto ii hal diet orron gal nu erenoamáš boares ealgabivdái.
Jus don maid háliidat searvat min ealgabivdogilvui, de gávnnat dan dáppe. Gilvu bistá gitta golggotmánu 31. beaivái, diibmu 23.59 rádjai.
Mii vuorbádat juohke vahkkus vuoiti, guhte vuoitá Ávvira ealgabivdi gaibagahpira, t-báiddi ja mátketelefonveaskku man Finnmárkkuopmodat FeFo lea skeŋken gilvui.
Mii sávvat lihkku vuoitái, ja hástalat ain eambbosiid searvat!
