Ávvir lágida dán jagi maid oaggungilvvuid mas leat vuoittut sihke mánáide ja rávisolbmuide. Searvva don ge!
Ávvir lágida dan geasi maid oaggungilvvu. Gilvu álgá odne, geassemánu 26. beaivvi ja bistá gitta borgemánu 5. beaivái.
Searvva ná:
Searvat lea seamma álki go diibmá ge.
Lasit gova dáppe, ja deavdde buot dieđuid guoli ja oaggu birra.
Guokte luohká
Gilvvus leat guokte luohká; Luossagonagas dahje -dronnet ja Guollelihkku.
Luossagonagasgilvui sáhttá searvat dušše luosaiguin, muhto sáhtát oggon vaikke gos, beare leat vuokkain goddán dan.
Son guhte dán vahkku lea dieđihan losimus guoli, oažžu gaibagahpira mas čuožžu Ávvir Luossagonagas, dahje -dronnet jus lea nissonolmmoš.
Luossa ferte leat goddon 2018 luossabivdoáigodagas, muhto ii dárbbaš dan vahkos goddon go dieđihat luosa.
Gilvu lea sidjiide geat leat gaskal 13 ja 100 jagi boarrásat.
Gilvu loahpahuvvo borgemánu 5. beaivvi diibmu 24.00.
Buohkat geat servet leat mielde vuorbádeamis mas sáhttá vuoitit 5000 ruvnno ovddas skeaŋkakoartta.
Guollelihkku
Mánáid gilvvu leat ges gohčodan Guollelihkkun.
Dása sáhttet gaskal 2- ja 12-jagi mánát searvat, vaikke makkár guliin maid mánná ieš lea goddán vuokkain.
Dás vuorbádat vahkkosaččat vuoiti, guhte oažžu oaggunstákku ja Ávvir buffa.
Dasa lassin leat buohkat geat leat searvan gilvui, mielde vuorbádeamis mas sáhttá vuoitit 1500 ruvnno árvosaš skeaŋkakoartta.
Gilvui searvvat dáppe ja ollislaš njuolggadusaid gávnnat ges dáppe.
Searvva fal don ge, soaitá dus guollelihkku ja šattat gonagassan dahje dronnegin!
