Golmmas geat mannan dálvvi váldoje gitta go galge veahkehit dorvoohcciid báhtarit Girkonjárggas, šaddet máksit 22.000 ruvnno sáhkkun guhtege.
Golmmas geat mannan dálvvi váldoje gitta go galge veahkehit dorvoohcciid báhtarit Girkonjárggas, šaddet máksit 22.000 ruvnno sáhkkun guhtege.
Politiijat válde gitta dán golbmasa ođđajagimánu 21. beaivvi go geahččaledje dorvoohcciid veahkehit báhtarit vuostáiváldimis olggobealde Girkonjárgga. Sii čohkkáje arreasttas beal goalmmát diimmu ovdal go dutkagohte sin. Dasto áššáiduvve sii rihkkon olgoriikkalašlága paragráfa 108, njealját lađđasa, mas lea sáhka olgoriikkalaččaid veahkehit lobiheamet orrut Norggas.
– Jus eai dohkket sáhku, manná ášši diggái, dajai politiijaid operašunjođiheaddji Svein Erik Jacobsen NTB ođasdoaimmahahkii dalle ođđajagimánus.
Okta dáin aktivisttain, Merete Eriksson, dajai ges NTB son lea hirpmástuvvan movt politiijat suinna meannudedje, ii ge lohkan iežas bargan maidege boastut.
(Gáldu NTB)
