Fitnofágaid skuvlagilvu lágiduvvo Girkonjárgga joatkkaskuvllas njukčamánu 19. ja 20. beaivvi 2024.
2016 rájes lea dat gilvu lágiduvvon ja lea goalmmát geardde go Girkonjárgga joatkkaskuvla lágida dan.
– Oahppit galget gilvalit 13 fágas, muitalit Finnmárkku fylkkagielddas preassadieđu bokte.
Badjedurdnosa, Durdnosa, Anára, Roavvenjárgga, Giema, Girkonjárgga, Álttá, Guovdageainnu, Kárášjoga ja Leavnnja skuvllaid oahppit galget gilvalit čehppodagas.
– Gilvvuide leat dieđihuvvon 90 oahppi ja fágaoahpaheaddji, muitalit Finnmárkku fylkkagielddas.
ArcticSkills ulbmilin lea čalmmustahttit fidnofágaid ja maiddái geahččalit rekruteret eambbosiid fidnofágaide guovllus.
– Seammás ArcticSkills addá erenoamáš vejolašvuođa ovddidit riikkaidgaskasaš ovttasbarggu skuvllaid, jođihangottiid ja ohppiid gaskkas.
Gilvvut čađahuvvojit Girkonjárgga Thon hoteallas.
Mannan jagi lágiduvvojedje gilvvut Roavvenjárggas gos Sámi joatkkaskuvllas ja boazodoalloskuvlla oahppi viežžalii golli duodjefágas.
