Romssas lea meahccebuollinvárra oránša dásis.
Meteorologalaš instituhtta dieđiha ahte masá olles Davvi-Norggas lea meahccebuollinvárra.
Romssa bealde lea stuora meahccebuollinvárra ja doppe leat bajidan meahccebuollinvára oránša dássái. Dat mearkkaša ahte jus guovllus buollá, de sáhttá buollit oalle viidát ja dan gártá váttisin čáskadit. Meahccebuollinvárra gusto dassážii go guovllus arvigoahtá. Árvvoštallojuvvo lea go dárbu ásahit eastadeaddji doaibmabijuid ja nannet gearggusvuođa.
Muhtin ráje guovlluin Finnmárkkus, Lofuohtas, Viestterállasis, Ofuohtas ja osiin Sálttus lea meahccebuollinvárra fiskes dásis.
