Disdaga rabai Ruoŧa girku dieđiheami sámi konfirmašuvdnaleirii ja dasa lea stuora beroštupmi.
Dán jagi ii šaddan sámi konfirmašuvdnaleaira Ruoŧa beale Sámis. Muhto boahtte jahkái leat 41 nuora riegádan 2009 dieđihuvvon. Guokte vahkkosaš leaira lágiduvvo Västerbottenis Saadteskenjuana Saxnäsas geassemánu boahtte jagi.
– Lea hui somá go lea nu stuora beroštupmi. Lea ain áigi dieđihit leirii. Mii sáhttit váldit vuostá eanemusat 70 nuora ja maŋemus dieđihanáigi lea čakčamánu 15. beaivvi, dadjá Sofia Strinnholm, Luleju girkogottis SVT Sápmái.
