41 proseantta Norgga studeanttain leat unnán dahje eai leat skihpárat oahppobáikkis, čájeha ođđa iskkadeapmi.
– Eat sáhte eallit dainna ahte badjel 40 proseantta studeanttain lea dilli nu. Fertet bargat buot maid sáhttit doaibmabijuiguin mat sáhttet veahkehit dovdat gullevašvuođa ja doarjaga. Buohkat dárbbašit olbmo geainna digaštallet bargobihtáid ja geainna ovttas borret niestti, ja dat lea min oktasaš ovddasvástádus, dadjá Kari-Jussie Lønning, Studeanttaid dearvvašvuođa- ja loaktiniskkadeamii jođiheaddji, preassadieđáhusas.
Masá 60 000 studeanttas, geat leat vástidan iskkadeami, leat 41 proseantta geain leat unnán dahje eai leat skihpárat oahppobáikkis.
Iskkadeapmi maid čájeha ahte lea olu unnit lohku geain leat unnán dahje eai leat skihpárat sin gaskkas geat leat oassálastán oahppobáikki fáttarortnegis dahje leat mielde studeantaservviin.
Norgga studeantaorganisašuvdna (NSO) oaivvilda ahte unnán oahppodoarjja dagaha ahte muhtun studeanttat šaddet vuoruhit barggu dan ovdalii go fidnet skihpáriid.
– Ollesáigeoahpuin ja oasseáigebargguin lea unnán áigi eallimii mii lea olggobealde – nu go oažžut skihpáriid. Vuot oaidnit ahte oahppodoarjja ferte lasihuvvot, dadjá NSO-jođiheaddji Maika Marie Godal.
(©NTB)
