Norgga stáhtaministtar Jonas Gahr Støre galgá dán jagi rahpat beanavuodjingilvvu Finnmarksløpet njukčamánu 10. beaivvi Álttá márkanguovddážis.
Diibmá mearridii IFSS, International Federation of Sleddog Sports, ahte Finnmarksløpet galgá dán jagi leat máilmmimeašttirgilvu guhkesvuodjimis. Dat lea nuppes go Finnmarksløpet lea máilmmimeašttirgilvu.
Bearjadaga njukčamánu 10. beaivvi Álttá márkanguovddážis dat álgá ja ođas dán jagi lea ahte rahpan dáhpáhuvvá beaivet diibmu 12:s. Norgga stáhtaministtar Jonas Gahr Støre rahpá beakkán beanavuodjingilvvuid, čállá Finnmarksløpet.
Golbma luohká
Guhkimus gaska lea 1200 km, de vudjen 14 beatnagiin, ja nubbi lea 600 km mas leat gávcci beatnaga. Juniorluohkká lea 200 km, ja sii sáhttet 6 beatnagiin vuodjit.
