Sámi joatkkaskuvla- ja boazodoalloskuvla oažžu lassi ruđa stáhtabušeahtas viessoláiggu liigegoluid geažil.
Stáhtabušeahtas 2021-2022 addojuvvui álgojuolludus hukset oktasaš vistti Sámi Našunálateáhterii Beaivvážii ja Sámi joatkkaskuvlii ja boazodoalloskuvlii Guovdageidnui. Skuvla ja teáhter fárrejit ođđa vistái 2024-25 skuvlajagis.
Ráđđehus árvala lasihit juolludusa skuvlii 11 miljovnnain ruvnnuin, viessoláiggu liigegoluid ovddas 2023:s. Dasa lassin evttoha ráđđehus 1 miljovnna ruvnno lasáhusa fárrema liigegoluid geažil.