-Almmuhus-
-Almmuhus-
OĐĐASAT Skuvllat eai soaitte vuos oažžut lobi rahpat uvssaid ohppiide

Skuvllat eai soaitte vuos oažžut lobi rahpat uvssaid ohppiide

-

-

Oahppit fertejit ráhkkanit jus heahtedoaimmat hehttejit oahpahusossodagaid rahpama maŋŋel ođđajagemánu 19.beaivvi. Dat diehtu vuorjá studeanttaid.

– Midjiide lea duođalaš dilli go giddejit universitehtaid ja allaskuvllaid. Studeanttat lohket ahte dilli lea hui váttis dál ja hástalussan oahppomoktii ja psyhkalaš dearvvašvuhtii. Mii sávvat ahte dat doaimmat heaittihuvvojit nu jođánit go sáhttet, lohká Norgga studeantasearvvi jođiheaddji Andreas Trohjell NTB:i. 

Čielga diehtu

Universitehtat ja allaskuvllat leat dál giddejuvvon oahpahusa ektui boahtte vahkkui disdahkii. Gaskavahku lágiduvvo preassakonferánsa njoammundili birra, ja vahkkolohppii galgá ráđđehus mearridit makkár doaimmaid galget čađahit. Oahpahusministtar Guri Melby ja dutkanministtar Henrik Asheim leaba cealkán Dagbladet aviisii ahte lea oalle sihkar ahte doaimmaid áigot guhkidit.

– Lea dehálaš midjiide ahte olbmot leat ráhkkanan njuolggadusaid čavgemiidda, lohká Melby.

Ráđđehus lea pláneme golbma scenario, mas okta lea doalahit skuvllaid rukses dásis ja eanet čavget njuolggadusaid. Dat máksá ahte ollislaš digitálaoahpahus sáhttá joatkit universitehtain. (©NTB)

-Almmuhus-