Odne álgá «Vácce skuvlii» kampánnja «Beintøft» ja skuvlamánát vázzet dahje sihkkelastet skuvlii birrasa dihte.
Miehtá riikka skuvlamánát gilvalit dál geat vánddardit skuvlii buot eanemus birasseasti vuogi mielde. Kampánja namma lea «Beintøft» ja ulbmil lea seastit birrasa. Birasageanttat lágidit kampánja njealját háve, ja dainna áigot hástalit skuvlamánáid vázzit, sihkkelastit dahje kollektiivvalaččat vánddardit skuvlii. Badjelaš 44 000 oahppi miehtá Norgga leat dieđihuvvon dasa. Oahpaheaddjit registrerejit gaskamearálaš gaskka man oahppit vázzet. Vuoitu lea 30 000 ruvnnu.
Mihttu
Kampánnjaa bistá borgemánu 31. beaivvis čakčamánu 25. beaivái. Romssas ja Finnmárkkus leat 38 skuvlla dieđihuvvon dasa. Dan njealji vahkus ohppiin leat njeallje iešguđet fáttá: «Johtolat ja nuoskkideapmi», «olgoáibmu ja biras», «Doappar, plásta ja resirkuleren», ja «Arvemeahcci».
