-Almmuhus-
-Almmuhus-
-Almmuhus-
SMÁVVAOĐĐASATSkuvla­mánát vázze 27 gearddi eana­spáppa birra

Skuvla­mánát vázze 27 gearddi eana­spáppa birra

-

-

Badjel 50 000 Norgga skuvlaoahppi leat oasálastán dán jagi Beintøft áŋggirdeapmái.  

Beintøft lea Norgga stuorámus vázzináŋggirdeapmi mii galgá movttiidahttit vuođđoskuvlaohppiid vázzit, sihkkelastit dahje johtit kollektiivasáhtu mielde skuvlii. 

Dán jagi oassálaste badjel 50 000 máná ja nuora, ja dáinna lea lágideaddji duhtavaš. 

– Lea áibbas erenomáš oaidnit man áŋgirat mánát leamaš miehtá Norgga. Mánus leat skuvlaoahppit vázzán oktiibuot miljovnna kilomehtera, ja dat vástida 27 gearddi eanaspáppa birra. Ovttas leat sii duođai áŋgiruššan dálkkádaga ja birrasa ovddas, lohká Miljøagentene prošeaktajođiheaddji Kaspar Tjeldflaat Steudel.  

 Romssa ja Finnmárkku skuvllaid searvvis čogge Skjelnan skuvlla 6. luohkát, Romssa gávpogis, eanemus čuoggáid Beintøft vázzináŋggirdeamis. 

 

 

 

 

 

 

-Almmuhus-