Oahpahusdirektoráhtta vuorjašuvvá ja lea guorahallagoahtán doaibmabijuid.
10. luohkkálaččat jávket eanet skuvladiimmuid ja skuvlabeivviid go ovdal, čájehit Oahpahusdirektárahta logut maid leat buohtastahttán statisihkaiguin mat ilbme ovdal koronapandemiija.
– Mun vuorjašuvan go mánát ja nuorat leat unnit skuvllas, das leat váikkuhusat sihke sosiála beliide ja fágalaš ovdáneapmái, lohká Oahpahusdirektoráhta direktevra Morten Rosenkvist.
Skuvlaoahppit jávke mannan skuvlajagi birrasii gávcci beaivvi ja guhtta diimmu, ja dat lea guokte beaivvi ja ovtta diimmu eanet go 2018/2019 skuvlajagi. Nieiddaid jávkan lassána eanemusat ja sis lea eanet jávkan go gánddain.
Máhttodepartemeanta lea bivdán Oahpahusdirektoráhta suokkardallat doaibmabijuid skuvlajávkama vuostá. Dát bargu galgá gárvvis golggotmánnui.
– Skuvlajávkan lea kompleaksa váttisvuohta maid fertet searvevuođas čoavdit. Min ávžžuhus boahtá earret eará árvalit mo galgat nannet mánáid ja nuoraid máttovuođu perspektiivvaid, mo oččošeimmet buoret našunála statistihkaid jávkama birra ja maid sáhttit bargat sihke oanehisáiggi ja guhkesáiggi perspektiivvas eastadit vuorjašuhtti jávkama, lohká Rosenkvist.
