Politiijat Norrbottenis dieđihit ahte geavai skuterlihkohisvuohta Liikaváris olggobealde Jiellevári lávvordaga eahkesbeaivvi.
55-jahkasaš almmái galgá leat vuodján skuteriin muora njeaiga ja roasmmehuvai garrasit.
Heahteveahka bođii lihkohisvuođabáikái. Almmái dolvojuvvui Jiellevári buohccivissui gosa son maŋŋel jámii. Nu dieđihit Norrbottena politiijat.