Girona gielda dieđiha iežaset neahttasiddus ahte Girona gielddastivralávdegoddi lea juolludan skutergildosa Geaggánvuomi čearu eatnamiidda.
Geaggánvuopmi dehe Rostu lea davimus čearru Ruoŧas ja leat dálveatnamat Guhttasis/Gárasavvona guovllus ja geasseláidon Čiekŋalvuovddis Sis-Romssas. Čearru leai ohcan skutergildosa sin dálveeatnamiidda Girona gielddas.
Skutergielddus Geaggánvuomi čearus álggii njukčamánu nuppi beaivvi ja bistá gitta dassážii go bievlá.
Merkejuvvon skutermáđijain lea ain lohpi vuodjit ja daidda ii guoskka skutergielddus, muhto ii lea lohpi ráfehuhttit bohccuid skutermáđijaid lahkosis, čállá Girona gielda iežaset neahttasiiddus.
