Filbmadahkki Suvi West oaččui ikte Skábmagovat-bálkkašumi Anáris.
Dán vahkkoloahpa lágiduvvo Skábmagovat filbmafestivála Anáris Suoma bealde Sámis. Ikte eahkes geigejuvvui Skábmagovat-bálkkašupmi Suvi Westii. Festivála háliida čalmmustahttit bálkkašumiin West mihtilmas filbmakarrieara ja dan, mo son lea lokten ovdan máŋggaid guoskkaheaddji fáttá, čállá NRK Sápmi.
Skábmagovat-bálkkašumi leat ovdal ožžon earret eará Elle-Máijá Tailfeathers, Katja Gauriloff, Inger-Mari Aikio, Iskku Ovllá Näkkäläjärvi, Liisa Holmberg ja Nils Gaup.
