-Almmuhus-
-Almmuhus-
SMÁVVAOĐĐASATSihkkarastán bargiide ođđa penšuvnna 

Sihkkarastán bargiide ođđa penšuvnna 

Journalista

-

-

Fágalihttu LO lea ožžon dohkkehuvvot ođđa penšuvdnaortnega bargoolbmuide. – Mii fertet sihkkarastit ahte sii geat eai nagot bargat gitta penšuvdnaahkái ožžot buoret penšuvnna. Dan dahkat mii bargoolbmoortnegiin, lohká LO-jođiheaddji Peggy Hessen Følsvik. 

– LO lea čielgasit dadjan ahte mii fertet sihkkarastit bargoolbmuid dan beaivvi go penšuvdnaahki lasihuvvo. Lean hui duđavaš go ráđđehus lea sihkkarastán doarespolitihkalaš ovttaoaivilvuođa bargoolbmoortnegiin. Midjiide lea dát vuoitun go dahká boarisvuođa buorebun sidjiide geat govssahalle penšuvdnaođasmahttimis, lohká LO-jođiheaddji Peggy Hessen Følsvik preassadieđáhusas.  

Ráđđehus almmuhii penšuvdnadieđáhusa diibmá mas ledje olu evttohusat rievdadit penšuvdnavuogádaga, earret eará dađistaga lasihit ahkerájáid penšuvdnavuogádagas. Dál galgá dat fápmui biddjojuvvot ja lea penšuvdnaođasmahttima ja eallinagi muddema váikkuhus, mii dahká váddásabbon lávket ealáhahkii go deavdá 62 jagi. Supmi mii dalle mákso, šaddá njulgestaga menddo vuollegaš stuorra joavkkuide. 

Ráđđehus ásaha bargoolbmovuogádaga mii lasiha penšuvnna jahkásaččat 0,25 G sidjiide geat lávkejit ealáhahkii go lea normerejuvvon penšuvdnaahki nu ahte ožžot buoret penšuvnna go eai šat nagot bargat.

– Lea dehálaš ahte láhččojuvvo dilli nu ahte eanet olbmot, geat háliidit ja sáhttet, sáhttet guhkit bargat. Dat gáibida buoret árjja sihke eiseválddiin ja bargoaddiin vai olbmot sáhttet guhkit áiggi bargat, lohká LO-jođiheaddji Peggy Hessen Følsvik.

Son deattuha ahte lea dárbu láhčit dili nu ahte seniorat sáhttet guhkit áiggi bargat ja ahte sin gelbbolašvuohta ánssášuvvo, vai šaddá álkibun oažžut barggu. Penšuvdnavuogádat galgá sihkkarastit ahte penšuvdna addá ekonomalaš oadjebasvuođa.

-Almmuhus-