Ávvir lágida dán čavčča gilvvu ealgabivdiide. Mii hástalit ealgabivdiid searvat gilvui ja sáddet gova ja dieđuid ealggaid birra maid báhčet dán čavčča bivddu vuolde.
Ávvir lágida dán čavčča gilvvu ealgabivdiide. Mii hástalit ealgabivdiid searvat gilvui ja sáddet gova ja dieđuid ealggaid birra maid báhčet dán čavčča bivddu vuolde.
Dán čavčča lágida Ávvir ealgabivdingilvvu, ja dan oktavuođas hástalit ealgabivdiid searvat gilvui ja sáddet govaid ealggain maid báhčet dán čavčča bivddus.
– Jurddaš, dál sáhtát ovttain ealgagovain vuoitit 5000 ruvnno ovddas skeaŋkakoartta, lohká Ávvira váldodoaimmaheaddji Kari Lisbeth Hermansen.
– Olu lohkkit maiddái ealgabivdit
Gilvu álgá čakčamánu 1. beaivvi diibmu 00.00 ja bistá gitta golggotmánu 31. beaivái diibmu 23.59.
Buohkat, geat lasihit govaid ja dieđuid dáppe, leat mielde vuorbádeamis mas sáhttet vuoitit 5 000 ruvnno árvosaš skeaŋkakoartta.
– Mii leat fuomášan ahte min lohkkit liikojit gilvvuide, danne álggahat dán gilvvu. Olusat min lohkkiin leat maid ealgabivdit, nu ahte dál hástalit sin searvat, lohká Hermansen.
Govven: Alice Balto
Erenoamáš vuoitu
Gilvvus vuorbádat maid vuitiid vahkkosaččat, sidjiide lea gaibagahpir ja t-báidi vuoitun, lassin lea vel mátketelefonveasku vuoitun, man Finnmárkkuopmodat FeFo lea skeŋken gilvui.
Dasa lassin lea sierra vuoitu sutnje guhte losimus ealgga báhčá gilvoáigodagas, son vuoitá earenoamáš gaibagahpira.
– Ealgabivddu oktavuođas láve dávjá sáhka deattuin, lávejit gullot hupmamin ahte gii lea báhčán losimusa ja nu ain. Danne leat mearridan sidjiide skeŋket erenoamáš vuoittu, muitala váldodoaimmaheaddji, guhte ii vuos muital juste makkár gahpir lea oaidnit.
Oanehaččat gilvvu birra
Gilvu bistá ovcci vahkku, ja dan gávnnat bajimusas min neahttasiiddus dákko.
Jus áiggut gilvui searvat, de fertet lasihit gova ealggas man leat báhčán dan vahkkus go searvvat, lasit dieđuid ealgga ja iežat birra ja de leat mielde vuorbádeamis.
Váldovuoitu lea 5000 ruvnno árvosaš skeaŋkakoarta ja dat vuorbáduvvo buohkaid gaskkas geat servet gilvui.
Mii vuorbádit maid juohke vahku «vahkkovuoiti» sin gaskkas geat servet.
Vuoitun vahkku vuoitái lea ealgabivdi gaibagahpir ja Ávvira t-báidi.
Son gii báhčá losimus ealgga nammaduvvo dán jagáš «Ealgagonagassan dahje dronnegin» ja vuoitá earenoamáš hábmejuvvon gaibagahpira.
Gilvonjuolggadusaid gávnnat dáppe.
– Mun sávan olusiid searvat gilvui, mii ii leat ráddjejuvvon dušše Norgga beallái, buot njealji riikka beale Sámis, sáhttet searvat dása, hásttuha Ávvira váldodoaimmaheaddji Kari Lisbeth Hermansen.
