Gáivuotnalaččat dorjot TV-akšuvnna čehpet, ja sátnejođiheaddji áŋgiruššá vai dát joatkkašii.
Gáivuotnalaččat dorjot TV-akšuvnna čehpet, ja sátnejođiheaddji áŋgiruššá vai dát joatkkašii.
Beannot vahkku geahčen lágiduvvo dán jagi TV-akšuvdna. Gáivuona suohkan láve njunnošis go rehkenastá olu juohke gieldda ássi addá gaskamearálaččat TV-akšuvdnii.
Dáinna čevllohallá sátnejođiheaddji Svein O. Leiros ja danin háliida son áŋgiruššat ja čalmmustahttit TV-akšuvnna.
Son ávžžuha erenomážit báikkálaš fitnodagaid doarjut TV-akšuvnna. Leiros lea mearridan iežas áŋgiruššama bokte ieš riŋget fitnodagaide hástalan dihtii sin doarjut TV-akšuvnna, čállá Gáivuona suohkan neahttasiiddustis.
TV-akšuvdna lágiduvvo sotnabeaivvi golggotmánu 22. beaivvi. Ruđat mannet UNICEF veahkkeorganisašuvnna doaimmaide guovlluin gos riidalit ja sohtet.
Ruđat geavahuvvojit mánáide ja nuoraide vai sii beasašedje oahpu gazzat.
